本站首頁 > 自我學習 > 簡單文句
引言
基礎
語音示範
簡單文句
1   2
3   4
5   6
7   8
9   10
11   12
13   14
15   16
17   18
19   20 課
21   22 課
23   24
25
  古典笑話
  短文
  常用語辭
  簡式與正宗之異


 

 

 

簡單文句
 
Te 1 Khoex: Oeh Taigir

1. Tagkef gauzar.

2. Lauxsw gauzar.

3. Ciaf si Taigir haghau.

4. Taigir ciog hoer oeh.

5. Oeh Taigir cviaa simseg.

6. Guar aix oeh Taigir, lir leq?

   

Te 2 Khoex: Guar kab Y

1. Guar ee miaa si Taan Efngbeeng.

2. Guar ti Pintofng zhutsvy kab tuaxhaxn.

3. Y ee miaa si Liim Bygiok.

4. Y ti Taipag zhutsvy kab tiofngtua.

5. Guarn si Pintofng-laang.

6. Yn si Taipag-laang.

7. Larn si Tai’uaan-laang.

 

Te 3 Khoex: Taigir Haghau

1. Taigir haghau u ciog ze hagsefng.

2. Tagjit, hagsefng laai haghau thagzheq.

3. Hagsefng u gyn’ar kab tuaxlaang.

4. Gyn’ar oeh thviaf kab korng.

5. Tuaxlaang oeh thak kab siar.

6. Lauxsw jixncyn kax.

7. Hagsefng phahpviax oeh.

 

Te 4 Khoex: Sviafmih

1. Lir si sviaflaang?

2. Guar si lir ee sioefhak tong’oeh.

3. Lir ee svirmiaa si sviafmih?

4. Guar ee miaa si Taan Efngbeeng

5. Lir laai Taipag zhoxng sviafmih?

6. Guar ham tongsu laai ciaf khuihue.

7. Chviar mng, lirn laai khuy sviafmih khuarn huexgi?

8. Guarn laai zhamkaf Taigir kaurhak gefnsip-hue.

 

Te 5 Khoex: Zef, Hef, Ciaf, Hiaf

1. Zef si sviafmih? Si texnnaur.

2. Hef si sviaflaang ee texnnaur? Si Bygiok ee.

3. Ciaf si Bygiok ee zhehpaang.

4. Y ee texnnaur he ti hiaf.

5. Ciaf si texnkhix-tiaxm.

6. Hiaf u teq be texnsi, texnnaur, siu’ym-ky, imhiorng hexthorng, ten-pengsviw, lefngkhix-ky,….tefngterng.

7. Zef si sviafmih paai ee texnnaur?

8. Hef si Taixcioxng paai`ee.

 

Te 6 Khoex: Zhaibee

Zhaibee -1

1. Cit-zaang chiuxar nng-phvix hioeh, uadlaai uadkhix khvuax be tioeh.

 

Zhaibee -2

2. Guar u cidee hoer peng’iur.

3. Y kab guar zoerhuer ze, zoerhuer khia, zoerhuer thagzheq, zoerhuer chitthooe.

4. Ho lirn ioeq, y si sviaflaang ?

Zhaibee – 3

5. Cidee khitciah ee tuaxhviaf sir khix, mxkoeq sir khix ee zapof-laang booe sioefti.

6. Chviar mng, si afnzvuar nar e afnny ?

 

Zhaibee 4

7. Cidee papaf kab cidee mamaf u lak-ee hauxsvy, muir cidee hauxsvy u cidee sioefmue.

8. Chviar mng, cit’ee kateeng u kuyee laang?

 

Te 7 Khoex: Hagsefng Kab Lauxsw

1. Haghau u zapof kab zabor lauxsw.

2. Hagsefng ma u zapof kab zabor gyn’ar.

3. Yn si lauxsw, guarn si hagsefng.

4. Cidee lauxsw u zhaputtoef svazap-ee hagsefng.

5. Cidee hagsefng ma u kuyna-ee lauxsw.

4. Lauxsw kax ciog ze ciorng khoertheeng.

6. Mxkoeq, zuankhoef lauxsw kantvaf kax cit-ciorng khoertheeng: imgak, bysut, iafsi thefiok.

7. Yn aix oeh imgak, guarn aix oeh bysut.

8. Sofu hagsefng lorng aix oeh thefiok.

  

Te 8 Khoex: Hauxhngg

1. Ciaf si guarn haghau.

2. Hauxhngg u kaurseg, paxngkofng-seg, huehngg, uxntong-tviaa, thengchiaf-tviuu.

3. Sioxngkhoex ee sikafn, lauxsw khia ti kaurseg laixbin karzheq.

4. Haxkhoex ee sikafn, hagsefng ti kaurseg guaxbin chitthooe.

5. Lauxsw ze ti paxngkofng-seg laixbin ee y’ar terng teq hioerkhuxn.

6. Huehngg`nih u peqhuef, anghuef, nghuef, lvahuef.

7. Guar aix anghuef, mxaix nghuef.

8. Ciaf si uxntong-tviaa, hagsefng ti ciaf teq lexnsip khakiuu.

9. Hiaf si thengchiaf-tviuu, tagkef ee chiaf lorng theeng ti hiaf.

  

Te 9 Khoex: Kaurseg

1. Kaurseg laixbin u y’ar, toeh’ar, o’pafng, texnsi, texnnaur.

2. U`ee kaurseg u texnsvix iafsi lefngkhix setpi.

3. Zef si texnsi, hef si texnnaur

4. Hagsefng ze ti y’ar terng thagzheq.

5. Lauxsw khia ti o’pafng zeeng karzheq.

7. Lauxsw eng texnsi kab texnnaur pangzo karzheq.

8. Hagsefng kafmkag afnnef cviaa zhurbi.

9. Texnnaur ee ioxngtoo ciog ze.

10. Lauxsw kab hagsefng lorng aix eng texnnaur.

  

Te 10 Khoex: Chioerue

1. U cidee mxbad ji ee hoefgiah lau tuaxlaang.

2. U cit-jit, y cioercvii ho laang.

3. Y kioex hit’ee laang siar cit-tviw cioerkux.

4. Hit’ee laang ciu siar, "kaux auxgueh ee zhego, guar itteng e pwnkym kab lixseg lorngzorng heeng`lir."

5. Kihan kaux laq. Lau tuaxlaang ciu khix thoefcvii.

6. Y ka hit’ee laang korng, "Cioeq lir ee cvii kin’afjit kaurkii laq.  Lir toe heeng`guar."

7. Hit’ee laang ixn y korng, "Kihan iaur be kaux aq! Cioerkux u siar korng auxgueh ee zhego ciaq toe heeng`lir,"

8. Hit’ee laang kersiok korng, "Kin’afjit si cid koergueh ee zhego, auxgueh ee zhego iaur be kaux maq."

  

Te 11 Khoex: Chviurkuaf

1. Kin’afjit lauxsw bueq kax chviurkuaf.

2. Kuamiaa si phahchiur-kuaf

3. Id, paxng kef,

4. Ji, paxng aq,

5. Svaf, hunkhuy,

6. Six, sioethah,

7. Go, taq hefng,

8. Lak, phaq chiur,

9. Chid, uii chviuu,

10. Peq, bofng phvi,

11. Kaur, giur hvi,

12 Zap, phaq khaf,

13. Zab’id, bofng thokhaf,

14. Zabji, lofngzorng saf.

  

Te 12 Khoex: Sinther - 1

1. Laang ee sinther pauhaam thaau, axmkurn, sinkhw, chiur, khaf.

2. Thaau u bagciw, phvi, zhuix, hvi’ar, thaukhag.

3. Zhuix ti thaau ee exbin.

4. Zhuix ee guaxbin u zhuirtuung.

5. Zhuix ee laixbin u zhuirkhir kab zhuircir.

6. Larn eng zhuix ciah miqkvia kab kofng’ue.

7. Phvi ti zhuix ee tefngbin.

8. Phvi u nng-ee phvixkhafng.

9. Larn eng phvixkhafng zhuafnkhuix.

10. Zhuix ham phvi ti bin ee tiong’ngf

11. Nng-luir bagciw ti phvi ee tefngbin.

12. U bagciw ciaq extaxng khvuax tioeh miqkvia.

13. Bagciw ee tefngbin u nng-pheg bagbaai.

14. U bagbaai, kvua ciaq be laau jibkhix bagciw.

15. Hvi’ar ti thaau ee siangpeeng pvy`ar.

16. Larn eng hvi’ar thviaf svia’ym.

17. Thaumngg huat ti thaukhag terng.

18. Thaumngg teq poefho thaukhag hof be sviuu jet kab sviuu lerng.

  

Te 13 Khoex: Sinther – 2

1. Thaau kab sinkhw ee tiong’ngf si axmkurn.

2. U axmkurn, thauu ciaq extaxng uadlaai uadkhix.

3. Sinkhw ee tefngbin u nng-ky chiur, exbin u nng-ky khaf.

4. Muir cit-ky chiur u go-ky chiur zefngthau’ar, ar muir cit-ky khaf ma u go-ky khaf zefngthau’ar.

5. Larn eng chiur theh miqkvia, ar eng khaf kviaa iafsi zaur.

6. Chiur u chiwpvuaa, khaf u khapvuaa.

7. Ti tangthvy, tioeh aix kuax chiwthoex ciaq be lerng.

8. Mxkoeq, tagjit lorng toe zheng phue’ee iafsi uxntong-ee laai poefho khapvuaa.

9. Thaukhag laix bin u tuaxnaur kab sioefnaur.

10. Sinkhw laixbin u simzong, hix, kvuaf, ui, tuaxtngg, sioeftngg, huehkvngr.

11. Sinther ee muir cidee sofzai lorng u sinkefng.

12. Tagkef tioeh airsioeq sinther.

  

Te 14 Khoex: Toxngbut-Hngg

1. Ciubuat papaf kab mamaf zhua guarn khix toxngbut-hngg chitthooe.

2. Ti hiaf guarn u khvuax tioeh ciog ze texsiong kab zuir`nih ee toxngbut.

3. Texsiong ee toxngbut u say, chviu, pax, hor, hiim, lok, tngkeng-lok, logtooe, ber, panber, guu, viu’ar, holii, jin’eeng, kaau, kaur, niaw, ciaw’ar, ke’ar, khofngchiog, engkoef,... tefngterng.

4. Zuir`nih ee toxngbut u hay’afng, hayty, haykaur, suahii, kw, zuykef, muaa, jedtaix-hii, khirgooe,... tengfterng.

5. Hayty cyn chiongbeeng, yn cviaa gaau piawern. A’hviaf, sioefmue, kab guar khvuax piawern khvuax kaq ciog hvuahir.

6. Papaf kab a’hviaf khix khiaa tua ciaq chviu.

7. Mamaf, sioefmue kab guar khix chi sex ciaq viuu’ar.

8. Tagkef lorng chitthooe kaq cviaa simseg.

  

Te 15 Khoex: Kateeng

1. Guarn-taw u papaf, mamf, ahiviaf kab sioefmue.

2. Papaf ti chi-zernghur ciaqthaulo.

3. Mamaf si sioefhak lauxsw.

4. Ahviaf ti koekib tionghak thakzheq. Y si koetiofng-sefng.

5. Sioefmue ti kokbiin sioefhak thakzheq. Y si sioer-hagsefng.

6. Guar ti kokbiin tionghak thagzheq. Guar si zhotiofng-sefng.

7. Kafntafn korng, koekib tionghak si koetiofng, kokbiin tionghak si koktiofng, kokbiin siofhak si koksioer.

8. Tagjit thaurzar, papaf kab mamaf khix sioxngpafn; ahviaf, sioefmue kab guar khix haghau thagzheq.

9. Haxpafn y’au, papaf teq boe’eeng zefnglir zhurgua, mamaf teq boe’eeng zwpng.

10. Parng’oer y’au, ahviaf teq lexnsip sioer-thekhiim, sioefmoe teq lexnsip kvngrkhiim, ar guar teq lexnsip uextoo.

11. Ciah armtngx ee sii, sioefmue ciog aix kofng’ue; y cidbin ciah, cidbin korng, tagkef thviaf kaq cviaa simseg.

12. Ciaqpar liaw’au, papaf kab mamaf aix khvuax texnsi; guarn tioeh zoex kongkhoex.

13. Papaf kab mamaf cviaa thviax guarn; guarn ma cviaa aix guarn ee papaf kab mamaf.

14. Guarn lorng ciog hvuahir u cidee bybuarn ee kateeng.

 

Te 16 Khoex: Guarn Zhux

1. Guarn zhux si cit-kefng nng-zaxn laau’ar.

2. Guarn zhux u cidee chiakhox, mxkoeq booe texha-seg.

3. Te id zaxn u khehthviaf, kateeng-seg, ciaqpng-thviaf, zaurkhaf kab cit-kefng pexnsor.

4. U langkheq laai ee sii ciaq u eng tioeh khehthviaf kab ciaqpng-thviaf.

5. Phofthofng sii, guarn lorng ti zaurkhaf pvy`ar hid tex toeh’ar ciaqpng; ar ti kateeng-seg khvuax texnsi, thak poerzuar, kab khaikarng.

6. Te ji zaxn u six-kefng khurnpaang, svaf-ee egkefng.

7. Chiakhox extaxng theeng nng-tviw toxngchiaf.

8. Zhux au u cit-phexn putcir tua ee zhawpof kab tua zaang chiuxar.

9. Zhunthvy kaux ee sii, muir lefpaix, papaf tioeh kuahzhaur cit-pair.

10. Chiuthvy kaux ee sii, chiuxhioer lag kaq muafmuar si. Guarn lorng hvuahir pangbaang papaf saux chiuxhioeh.

11. Zhux ee sirciw u kexke ee tiofngzhefng-chiu.

12. Mamaf ti zhux zeeng zexng ciog ze angseg huef, peqseg huef, ngseg  huef, lvaseg huef, kab hwn’aang-seg huef.

13. Cit-tiaau kelo thofng kuex zhux zeeng.

14. Ti kelo ee siangpeeng phvy`ar u cit-paai tua zaang chiuxar.

  

Te 17 Khoer: Liuheeng-kuaf, Sioef Bahzaxng

kuasuu zokciar: Tviw-Khw Tongsioong

1. Zuxpy zuxthaxn phvaymia-laang,
pexboer pwnlaai cviaa thviarthaxng.

2. Ho guar thagzheq kuyna tafng,
zhutgiap thaulo booe pvuarhang.

3. Ciaxmsii laai be sioef bahzaxng,
Sioef bahzaxng, sioef bahzaxng, be sioef bahzaxng.

 

4. Bueq zoex senglir cyn khurnlaan,
Na booe pwncvii zoex be tang.

5. Putzexng heng’uii si mxthafng,
sofir ciaxmsii zoex cid khuarn.

6. Ciaq tioeh jixncyn be bahzaxng,
Sioef bahzaxng, sioef bahzaxng, be sioef bahzaxng

 

7. Miqkvia cit-jit cit-jit kuix,
Zhurlai thauzhuix ciah tua tuy.

8. Siafng khaf kviaa kaux bueq thiaq thuir,
gu tioeh booe siaw siong khekkhuy.

9. Jixncyn koeq be siof bahzaxng,
Sioef bahzaxng, sioef bahzaxng, be sioef bahzaxng.

 

10. Bueq zoex tua laai mxkvar bang,
Bueq zoex sioer laai iu booe khafng

11. Kvy chym hofng lerng khachiur taxng,
Sviaflaang zay guarn ee khofthaxng.

12. Khuankerng peg guarn be sioef bahzaxng,
Sioef bahzaxng, sioef bahzaxng, be sioef bahzaxng.

 

Te 18 Khoex: Jidkii, Sorji kab Sorliong

1. Cit-nii u zabji-koergueh: Id`gueh, Ji`gueh, Svaf`gueh, Six`gueh, Go`gueh, Lak`gueh, Chid`gueh, Peq`gueh, Kaur`gueh, Zap`gueh, Zabid`gueh, Zabji`gueh.

2. Cit-koergueh u svazap-jit hegciar svazap id-jit.

3. Mxkoeq ji`gueh kantvaf u jixzap peq-jit, ar juxnnii ee Ji`gueh u jixzap kaur-jit.

4. Cit-lefpaix ee chid-jit si Lefpaix-Id (Pairid), Lefpaix-Ji (Pairji), Lefpaix-Svaf (Pairsvaf), Lefpaix-Six (Pairsix), Lefpaix-Go (Pairgo), Lefpaix-Lak (Pairlak), Lefpaix-Jit (Lefpaix).

5. Suun sorji ee tan’ui u "ban" (10,000, 104), "eg" (10,000,000, 108), "tiau" (1,000,000,000,000, 1012).

6. Ti tan’ui ee thauzeeng su’iaux siar lenciap-huu " – "; phirjuu: zabkaur-ban, kawzap go-eg, svaf-tiau.

7. "Ban" yha ee sorji eng exbin ee koerpet gwsuu

8. Suun sorji 1, 2, 3,….9…..19: cit (id), nng (ji), svaf, six, go, lak, chid, peq, kaur, zap, zabid, zabji, zabsvaf, zabsix, zabgo, zablak, zabchid, zabpeq, zabkaur.

9. Suun sorji 20, 30,….90: jixzap, svazap, sirzap, goxzap, lagzap, chitzap, pehzap, kawzap.

10. Suun sorji 100, 200,….900: cidpaq, nngxpaq, svapaq, sirpaq, goxpaq, lagpaq, chitpaq, pehpaq, kawpaq.

11. Suun sorji 1000, 2000,….9000: cidzhefng, nngxzhefng, svazhefng, sirzhefng, goxzhefng, lagzhefng, chitzhefng, pehzhefng, kawzhefng.

12. Suun sorji sidle:
svazap six;
    cidpaq jixzap sva;
       34;                   123;

sirzhefng goxpaq lagzap chid;
         cit-ban leeng ji;
 
            4,567;                                        10,002;

cit-eg nngxzhefng svapaq sirzap go-ban leeng lagzap.
                      123,450,060.

13. Ti sorliong tan’ui ee thauzeeng su’iaux siar lenciab huu " – "; phirjuu:
chid-tex;
     lagpaq chitzap peq-purn;
   7-tex;               678-purn

14. Suxnsu sorji tioeh aix ti khythaau siar "te"; phirjuu:
      te id miaa;
    te nngxpaq lagzap kaur iah.
      te 1
 miaa;     te 269 iah.

15. Citmar si nngxzhefng leeng go nii zabji gueh jixzap peq jit sioxnggvor zap id tiarm sirzap go hwn chid bioer.

16. Citmar si 2005 nii 12 gueh 28 jit sioxnggvor 11 tiarm 45 hwn 7 bioer.

17. Cit’ee kangzog su’iaux ti jixzap id-jit laai uanseeng.

18. Cit’ee kangzog su’iaux ti 21-jit laai uanseeng.

  

Te 19 Khoex: Langmiaa, Zhenghof, Guaxkog-Gir

1. Langmiaa kab zhenghof ee sofu gwsuu ee te id ee jixboer eng tuaxsiar jixboer; phirjuu: Taan Zuypvir Zofngthorng, Lir Tenghuy Phoksu, Iap Kioklaan Lwsu, Yn Kii Sioefciar,

2. Guaxkog ee langmiaa kab texmiaa arnciaux guaxkog ee gwbuun siar.

3. Bykog ee zhutmiaa zofngthorng si George Washington kab Abraham Lincoln.

4. Bykog, Engkog, Huatkog, kab Tekkog ee siwtof si Washington DC, London, Paris, kab Berlin.

5. Mxsi Looemar-ji ee guaxkog langmiaa kab texmiaa, eng yn pwnkog sor zerngseg zhay’eng ee Loemar-ji siar; phirjuu, Tiongkog-gir kab Jidpurn-gir: Mao Zedong, Isoroku Yamamoto, Beijing, Tokyo.

6. Khoehak zuan’iur miasuu eng pwnlaai ee guaxkog miaa; phirjuu: hydrogen, oxygen, electron, neutron, gene, chromosome.

7. Mxsi zuan’iur miasuu ee guaxkog-gir na si Loemar-ji ee sii, eng ynhoe laai piawsi; phirjuu: "de facto", "ad hoc", "show", "fans".

8. Mxsi zuan’iur miasuu ee guaxkog-gir na mxsi Loemar-ji ee sii, eng hexntai-buun siar zhud yn ee ym; phirjuu, Jidpurn-gir: ‘kha’ua’ir’.

  

Te 20 Khoex: Kixntai Sy, Na si Kaux Hengzhwn

Zokciar: Soxng Teglaai

1. Na si kaux Hengzhwn, tioeh aix loeqho ee sizun.

2. Tahbu ee svualuun, chinchviu koniuu ee unsuun.

 

3. Na si kaux Hengzhwn, aix kerng honghwn ee sizun.

4. Lir khvuax haykvii ee buafnhuun, puarnthefn thonghoong chviu buahhurn.

 

5. Na si kaux Hengzhwn, tioex aix hoefthvy ee sizun.

6. Zhutphaang ee hayzuun, uxsii sair hng uxsii kin.

 

7. Na si kaux Hengzhwn, mxbern kerng sizun.

8. Taan Tat ee kuaf na chviurkhir, cidsii siaw guarn ee simbun.

  

Te 21 Khoex: Zuykoer

1. Poeftoer Tai’uaan kuinii tharngthvy zhutsarn ciog ze ciorng zuykoer.

2. Guar sor zaiviar ee Tai’uaan zuykoer si: angkhi, bogkuef, iu’ar, kincioef, kirmkhi, lai’ar, laixcy, lefnbu, lenggerng, ly’ar, liwtefng, nafpuat, oonglaai, phangkuef, phipee, phorngkafm, phoxngkoer, phoetooe, sekkhiaf, sikuef, thoe’ar, viutooe, zoef ’ar, zhawmuee

3. Chviar mng lir, iaur u sviafmih zuykoer guar booe korng tioeh?

4. Tai’uaan ee koefloong cviaa gaau, yn ciofng pwnlaai ee lefngbu, nafpuat, lai’ar, zoef ’ar kaylioong kaq tuaxliap, sektix suir, phafng, koeq hoer ciah.

5. Jidpurn-laang ciog aix ciah Tai’uaan kincioef. Ti 1960 nitai, kincioef si cidee huisioong tioxng’iaux ee longsarn guaxsiaw-phirn.

6. Cviaa khoefsioeq, citmar kincioef-zaan tviaxtvia e tioeh nghioeh-pvi, sengsarn-liong khaq cioer.

7. Bogkuef ee zengheeng ham kincioef kaix sioekaang, citmar ee bogkuef tviaxtvia e tioeh pvixtok, cviaa phvair zexng.

8. Zhutmiaa ee zuykoer si: Pintofng lva’afpvy ee "of-cinzw" lefnbu, Tailaam Muatau ee buntaxn-iu, Lamtaau Lesafn ee lai’ar

 

Te 22 Khoex: Khwntefng Konghngg

1. Ti textoo`nih, Tai’uaan ee hengzong toe chinchviu cit-liap hancii’ar. Ar, Khwntefng Konghngg si ti Pintofng-kuan ee zuex laam peeng, ia si ti hancii’ar buer laq.

2. Bueq khix Khwntefng Konghngg hid tiaau enhair konglo, hongkerng cviaa suir.

3. Hioxng laam khuichiaf ee sii, cviarpeeng si hair. Lir e khvuax tioeh chym-lvaseg ee hayzuir, peqseg ee zuyphoef, uanuafn-khiaukhiaw ee hayhvua-svuax

4. Toerpeeng si legseg ee liogte. Lir e khvuax tioeh cit-phvix cit-phvix chvizhuix ee longteen, cit-zhog cit-zhog ee zngsia, hafntid khvuax tioeh ee kofzar zhux.

5. Tehbueq kaux Khwntefng Konghngg ee lo siong, u cidee tafng-Aciw thong tua ee zuyzog-kuarn. Hid laixbin u ciog ze ciorng hii: hayzuir hii, taxmzhuir hii, jedtaix hii, tua ciaq hii, sex ciaq hii, ...tefngterng.

6. Khwntefng Konghngg si serkaix u miaa ee jedtaix citbut-hngg. Citbut hagciar kab kuankofng-kheq lorng aix laai ciaf zhamkuafn.

7. Konghngg`nih u huisioong ze ciorng jedtaix citbut. Muir cit-ciorng citbut lorng u zhai cit-ky pai’ar laai zoex cidee kafntafn ee suatbeeng.

8. Konghngg zefnglir kaq cviaa sursi. Laixbin ee sioer lo lorng si khorngkulir`ee. Tua zaang kab ser zaang chiu’ar siuzern kaq cviaa suir, be ho laang kafmkag sviw jinkafng-huax.

9. Ti ciaf, booe tochi ee zhawzap-sviaf, u Thairpeng-viuu ee phoeloxng-sviaf; booe toxngchiaf ee o’efn kab khiriuu-bi, u ham’iur haybi ee sinserng khongkhix; booe cit-paai cit-paai e tua laau, u legseg ee chiuxzaang kab sefng’iam ee hueluir.

  

Te 23 Khoex: Kixntaix Sy, Guarn Aniaa

Zokciar Ngg Kexngleen

1. Guarn aniaa, y korng

2. y si thensvy giabmia

3. thaurzar tioeh zhutmngg

4. boe’eeng kaq jidthaau loeqsvuaf

5. y boe’eeng kviaa zhanhvua

6. y boe’eeng teq siaq ciahkyn, peq ciahhah

7. y boe’eeng teq soezhaur, akpuii

8. boe’eeng ti tviabuer thiap tiuxzhaur, khwnzhaa

9. jidthaau hiah`niq tua

10. y boe’eeng kaq tua liap kvua, sex liap kvua

 

11. Guarn aniaa, y korng

12. y si loelogmia

13. y boe’eeng teq ciaurkox

14. zhurlai, zhurgua

15. kor bioe zeeng, tua chiu khaf

16. y boe’eeng teq ser svaf, phak phuextvaf

17. y ia tioeh vai y ee kimswn

18. kviaa kongzhux tviaa, kviaa zhanhvua

19. khvuax larn ee tiu’ar cit-jit cit-jit tua

20. larn ee hancii cit-jit cit-jit thvuax

 

21. Guarn sisioong ti svakvy-pvuarmii

22. sviu khir aniaa tiongnii laai siwkuar

23. y siu ee kankhor, siu ee honghaan

24. y e kotvuaf, y ee iubun

25. guarn ee simzeeng be khvairuah

26. guarn ee sym iaq, nar chinchviu

27. chinchviu laqtiaau-huer

28. sioethngx guarn ee simkvuaf

 

29. Sviu khir guarn ee pixntva

30. guarn lorng si khuxn kaq ciah vuax

31. sviu khir aniaa, cit-kafng

32. thaurzar boe’eeng kaq jidthaau loeqsvuaf

33. guarn ee sym ee thviax

34. guan ee sym chviu toef kuaq

  

Te 24 Khoex: Koef Khoeky Kanggiap

1. Ti 1960 nii yzeeng, Tai’uaan ee kengzex zw’iaux khoex longsarn-phirn, phirjuu: bir, thngg, zuykoer.

2. Auxlaai ciaxmciam kanggiap-huax. Ti 1960 kaux 1980 nii, binsefng kanggiap huattern`khylaai.

3. Kaux 1990 nii ee sizun, serkaix siong ee binsefng ioxngphirn, tua poxhun si Tai’uaan zerzoe`ee; phirjuu: phafngcid-phirn, uxntoxng-ee, kateeng-iong gvofkym, gyn’ar-uanku, khataqchiaf.....tefngterng.

4. Hid tongsii, Tai’uaan ee kengzex u huisioong tua ee thekoef. Laang teq korng, Tai’uaan cvii ym khabak.

5. In’ui kengzex ee huattat, kangzw jur-laai jur-kuix. Binsefng kanggiap ee kexngzefng lat jur-laai jur-ke. Sofir, kanggiap pitjeen toe aix kviaa cviu koef-khoeky cid tiaau lo.

6. Ti 1980 nitai ee buadkii, Tai’uaan ciaxmciam kviaa cviu texnzur kanggiap.

7. Texnzur kanggiap su’iaux khaq tua ee zupurn kab kisut. Mxkoeq texnzur safnphirn ee kengzex kehtat khaq kuaan.

8. Bogzeeng ee texnzur kanggiap zw’iaux si ham texnnaur iwkuafn ee kokciorng safnphirn. Ciah’ee safnpirn zoexseeng zhutmiaa ee "Made in Taiwan" cit’ee phynpaai.

9. Khoeky tagjit teq cirnpo; booe cixn toe si thex. Citmar Tai’uaan ma teq huattern jedmngg ee ‘nano’ kab senghuax khoeky.

10. Tai’uaan-laang pwnlaai ciu cviaa khiaur koeq cviaa kutlat, itteng extaxng zhorng’zoe cidee koef hoeky ee byle toer.

 

Te 25 Khoex: Poeftoer Tai’uaan

1. Tai’uaan si poeftoer ee lyiuu ciog ze. Tagkef laai korng khvuarmai`ee.

2. Khirhau hoer. Surkuix juu zhwn. Juaqthvy u khaq juah taxmpoeq`ar. Kvuathvy be kvuaa kaq loeq seq iafsi kekpefng.

3. Longsarn honghux. Kuinii tharngthvy lorng u zhutsarn cviaa ze nviusit, chvizhai kab zuykoer.

4. Ma u ciog ze thioksarn; phirjuu: kef, aq, ty, guu, viuu.

5. Sirkhof-lerngtngr ee hayviuu ho tagkef u ciog ze ciorng haysarn thafng hoer ciah.

6. Kanggiap ciog huattat. Putkuarn si binsefng kanggiap iafsi koef khoeky ee texnzur kab texnnaur kanggiap lorng si serkaix uxmiaa`ee.

7. Kauthofng kerngseg cyn uansen; exsair korng si surthofng-pattat. Boelun si tua tochi iafsi sioer zngsia lorng u tafm’afkaf lo thofng kaux hiaf.

8. Kauriok cviaa phofphexn. Sofu kokbiin tioeh aix ciapsiu bern haghuex ee kaur-nii kauriok.

9. Zerngti binzur-huax. Zernghur ee zerngbu kvuaguaan iuu jinbiin tidciab suarn`zhutlaai. Genglun zuxiuu, suhuad toglip. Si cidee huatti ee kokkaf.

10. Siaxhue hokli pauhaam zuanbiin kexngkhofng poefhiarm kab lauxlaang nikym.

11. Tefngkuaan sor siar`ee si guar sviu tioeh ee Tai’uaan poefkuix ee sofzai.

 

     
 

 

本頁首次上網: 2006 年 4 月 30 日 /  網頁更新: 2006 年9 月 30 日

     
Copyright © 2006. All Rights Reserved.  Simplified Modern Literal Taiwanese.  SMLT.org