引言
  基礎
  語音示範
  簡單文句
 

古典笑話

短文
 
  第 1   2
  第 3   4
  第 5   6
  第 7   8
  第 9   10
  常用語辭
  簡式與正宗之異


 

 

 

短文
 

Te 1 phvy: Engkog Booe Piq

Lauxpe thviaf yn kviar teq thak Enggir thak kaq cviaa zhurbi, ciu sviu bueq mng yn kviar cidkuar Enggir.

Tw’afhoer khvuax tioeh cidee zabor gyn’ar tuy mngkhaur kviaa`kuex. Y ciu mng yn kviar, "Zabor gyn’ar, Enggir tioeh afnzvuar korng ?" Yn kviar korng, ‘girl’. Lauxpe thviaf zoex si "Goe’ar", ciu mng korng, "Ar goe’ar ee Enggir afnzvuar korng ?" Yn kviar huetab korng, ‘goose’. Lauxpe thviaf zoex si "Guu".

Lauxpe ciu mng korng, "Ar guu, Enggir afnzvuar korng ?" Yn kviar korng si ‘cow’. Lauxpe thviaf zoex si "kaur" ciu koeq mng korng, "Ar kaur ee Enggir si afnzvuar korng".

Yn kviar ciu huetab korng, ‘dog’. Lauxpe thviaf zoex si "lok" ciu mng korng, "Ar log’ar ee Enggir afnzvuar korng ?"

Yn kviar ciu huetab korng, ‘deer’. Lauxpe jur thviaf, jur huef, ciu koeq mng korng, "Ar ti’ar ee Enggir leq ?"

Yn kviar huetab korng, ‘pig’. Lauxpe u cidsut’ar sviuxkhix ciu koeq mng korng, "Ar piq leq ?" Yn kviar mxzay piq ee Enggir si sviafmih, ciu huetab korng, "Engkog booe piq, sofir booe cid kux."

Auxlaai, lauxpe sirkex ka laang korng, Engkog-laang huafn ciuxsi huafn, ka larn ee toxngbut ee miaa opeh vua.

原文取自參考五: 趙弘雅,台語現代文進階,講義,台語現代文推廣會出版,2002 年。編者用「簡式現代文」重編。

 

 

Te 2 Phvy: Titw

U cit-ciaq titw ka hosiin korng, "Chviar lir tuy cit’ee vii ee lauthuy peq khylaai guarn taw."

Hosiin ixn y korng, "Toesia, toesia, guar ka lir sehsia. Guar na peq`khylix lirn taw, ciu bextaxng tuy hiaf koehzaix loeh`laai.

Titw koeq korng: "Lir kuijit teq puelaai-puekhix, iaq kaq cviaa sen laq. Guar ee binzhngg cviaa suir koeq cviaa sorng, lir nar m loeh laai ciaf hioehkhuxn?"

Hosiin ixn y korng, "Toesia, toesia, guar ka lir sehsia. Laang korng, ti titw ee binzhngg`nih khuxn ee laang, mxbad extaxng koeq khurnchvir."

Titw korng, "Hosiin Hviaf, guar aix lir. Ti guarn zhurlai ee khehthviaf`nih, guar u zwnpi cviaa ze zhezhaw bueq chviar`lir. Lir nar m laai ciaf ze?"

Hosiin ixn y korng, "Toesia, toesia, guar koeq ka lir sehsia. Guar ee paktor pafpar, booe sviu bueq ho laang chviar."

Titw koehzaix tuix hosiin korng, "Hosiin Hviaf, Hosiin Hviaf. Lir nar e ciah`niq entaau? Lir karm zay, lir ee bagciw vii-kurnkuxn, lir ee sit si hiahniq’ar kym-siaksiag. Guar theh kviax laai ho lir cioex, lir ciu zaiviar."

Hosiin thviaf tioeh titw oeloer y entaau, ciu simlai hvuahir, lorng be kix tid tioeh aix tviutii. Y cide puef jibkhix titw bang`nih, ciu pexn zoex titw ee armtngx.

 

原文取自參考二:

美國首都華盛頓台灣語文學校網路

http://tacpa.org/wdcts/。編者用「簡式現代文」重編。

 

 

 

Te 3 Phvy: Taigir Kixntai Sy, Akzag ee Tochi

Cid kuir tafng laai, lixkhuy

korhiofng, kviaa thengaai

uixtioeh khaq hoer ee cionglaai

muafpag ee sinsngf khngx simlai

 

Guarn putsii laai sviu khir

korhiofng ee sim’aix, liulong

ee jidcir, guarn siong siaurliam ee

si a’niaa zur ee zhaix

 

Guarn putsii sviu khir, korhiofng

tuix guarn boehan ee zu’aix

chinchviu toxciaur, kinjit

ofngtafng, bengjit ofngsay

korhiofng ee hengviar, tviaxtvia

ti guarn ee baxngtiofng kviaa laai

 

Guarn zaiviar guarn khuikhiaxm ee

si tuix korhiofng ee aix

u cit-kafng guarn booe huatto

jymnai: ixhiofng ee ciawciaq

ee khofngkioex, huef loeh huef khuy

guarn e siusip henglir

huipet chvi’aang-tefng ha ee

boenai kab kelo pvy ee

pi’ay, ze tioeh

pvuarmii ee iularm-chiaf tngr`laai

 

Tngr`laai guarn suliam ee

korhiofng, Iamhwn textaix

ham thofte khia taurtin

zham zuyguu ochiw khia kuy paai

 

Peqlexngsy kviaa laai kviaa khix`ee

iamtviaa kab zunciaq laikhix ee

tuaxhair, si guarn siar sy ee

tezaai, guarn booe khapo-chiwlo

ma booe sviafmih chioerkhuef, guarn kantvaf

bueq phahpviax laai siar

siar zoerzhaan-laang ee bagsair

kab thoefhair-laang ee boenai

Siar Iamhwn ee sy, guarn

ciaq u khaq hoer ee ciofnglaai

 

原文取自: 偓促(的)城市,台笠出版社,1993年。原文是漢字福台語,著者是黃勁連。編者用「簡式現代文」翻譯

 

 

 

Te 4 Phvy: Niaw, Hor kab Kao

Larn lorng zay hor e tefn’uy, mxkoeq bexhiaur thiaurkuaan iafsi pehkuaan. Zef si niaw ee pwnlerng.

U cit-jit, hor ti pvuarlo gu tioeh niaw, ciu ka y pairthog, korng: "A’Niaw Hviaf, chviar lir kax guar thiaurkuaan kab pehkuaan, hoer`booe?"

"Hor Sensvy. Lir na bueq sefn kax guar afnzvuar tefn’uy, guar ciu kax lir thiaurkuaan kab pehkuaan." "Booe buxntee. Mxkoeq, guar kax lir tefn’uy y’au, lir na mxkax`guar, guar bueq afnzvuar?" "Be laq. Lir na mxsixn, larn laai chviar sviafmih’laang laai zoex poefzexng hoer`booe?"

"Hoer." Yn ciu tong’ix bueq kauvua kax yn ee pwnlerng.

Twtur, u cit-ciaq kaur kefng kuex hiaf. Yn ciu pairthog kaur laai zoex yn ee poefzexng-laang. Kaur booe sviu sviafmih, ciu tap’exng yn ee pairthog. Hor cviaa ansym, ciu un’ar kax niaw tefn’uy ee kersex. Afnny kax cyn kur, niaw ykefng lorng oeh exhiaur.

Citsii, niaw hutjeen thiaux khylix kuankuaan ee chiu terng, ti hiaf tuix hor tefn’uy, koeq korng, "Tvaf lir ho guar phexn`khix laq. Guar nar e kax lir pehkuaan laai liah guar leq?"

Hor tua sviuxkhix. Mxkoeq, y bexhiaur pehkuaan, sofir bextaxng khix tuy niaw. Niaw tidtit tuix hor tefn’uy, koeq ka y hirlang, korng: "Gong hor! Gong hor! Lir cid ciaq gong ee hor! Tvaf, khix ho guar phexn`khix laq!"

Hor huisioong sviuxkhix, ciu khix jiog hid ciaq kaur, bueq ka`y; in’ui y si poefzexng-laang.

Zu hitsii khir, kaur cviaa uarnhun niaw. Muir pair, na khvuax tioeh niaw, ciu jiog khix bueq ka`y.

Kaux citmar, iaur si afnny.

 

原文取自: 林繼雄,現代文書法讀本,大夏出版社出版,台南市,1990年。編者用「簡式現代文」重編。

 

 

 

Te 5 Phvy: Suky ee efnkarng

U cidee phoksu, cviaa u hagbun, tviaxtvia sirkex khix efnkarng. Ciu chviar cidee suky ka y saychiaf, khaq lixpen. Phofthofng ee suky lorng e ti chiafterng hioerkhuxn, mxkoeq cit’ee suky huisioong hvorhak, phoksu ti taiterng efnkarng, y ciu ti taikhaf cimciog thviaf.

Kengkuex pvuax nii, u cit-jit suky ka phoksu korng, "lir korng`ee hid thoex, guar lorng oeh exhiaur laq."

Phoksu tua chioex, korng, "Guar korng`ee hiah’ee lorng si zuangiap ee tirseg, lir nar oeh exhiaur? Booe, lir korng ho guar thviaf khvuarmai`ee."

Suky ciu zuxthaau-kaurbuer korng cit-pexn ho phoksu thviaf, korng kaq cviaa hoer.

Phoksu afnny sviu, guar tuy serhaxn thagzheq, thak jixzap kuir nii caiq theh tioeh phoksu hag’ui. Lir khuy pvuax nii ee chiaf toe ka guar oeh liawliaur! Y simlai cviaa be pengheeng. Toe korng, "Hoer, auxjit lir zheng guar ee svaf khylix sioxngkhoex, ar guar zheng lir ee svaf ti exbin zoex suky, afnny lir karm kvar?"

Suky ciu korng, "Hoer aq, chirkhvuax teq."

Afnny u cit-jit suky ciu zheng phoksu ee svaf khylix taiterng kafngkhoex. Zuxthaau-kaurbuer korng cit-pexn, korng kaq huisioong hoer. Kuancioxng ti taikhaf ittit ka y phaq-phog’ar. Jen’au u cidee kuancioxng mng cidee cviaa chimjip, cviaa zuangiap ee buxntee,…..

Booe sviu tioeh suky hoetab korng, "Lir cit’ee buxntee mng kaq ciaa hoer, cviaa chimjip, cviaa u zuyzurn. Mxkoeq, mxbern guar hoetab, guar kioex guar ee suky ka lir hoetab toe hoer,…

原文取自參考五: 趙弘雅,台語現代文進階,講義,台語現代文推廣會出版,New Jersey, USA,2002 年。編者用「簡式現代文」重編。

 

 

 

Te 6 Phvy: Hoefsym ee Lau Apeq kab Kehpiaq ee Laang

Kofzar u cidee hoefsym ee lau apeq khia ti zhanzngf `nih. Larn bueq kioex y zoex Apeq.

U cit-jit, y giah tithaau ti auxbin ee zhanhngg’ar teq zerngzhaix. Y u chi cit-ciaq kawar, ia kab y ti hiaf. Y thviaf tioeh kawar ti hngxhng hiaf teq pui, ar ia eng khaf teq iahthoo. Apeq ciu khix khvuax`y, ar thex y kut hit’ee sofzai.

Booe sviu kaux, kerngjeen kut tioeh cit-axng ee ngkym. Y cviaa hvuahir, ciu poex chincviaa-peng’iur lorng laai khvuax.

Kehpiaq u cidee laang, ti armsii thauthau’ar laai thauliah Apeq ee kaur, thuaf y khix kati ee hngg`nih, kioex y tioeh pui. Kawar ho y thuaf `teq, ciu pui. Hit’ee laang ciu kut hit’ee sofzai.

Mxkoeq, y sor kut`tioeh ee, si cit-axng ee sair. Y cviaa sviuxkhix ciu ciofng kawar phaq`sir.

Apeq zaiviar, cviaa pisiofng ciu hoefhoer ciofng kawar baizoxng, koeq ka y zoex cidee suysuir ee bong.

Booe juaxkur, ti boxngpvy huad zhud cit-zaang chiuxar. Hef cinkirn ciu tuaxzaang`khylaai. Apeq kux hid zaang ee ky laai zoex cidee zengkhu.

Tngf y eng cit’ee zengkhu laai zengbir ee sii, ciaq huatkexn, jur-zefng, bir jur-ze; ze kaux muar zengkhu.

Zu afnny, Apeq lorng mxkviaf booe bir thafng ciah.

Cit’ee taixcix ho kehpiaq ee laang khvuax`tioeh, ciu ti armmii, thauthau’ar jiblaai thautheh hit’ee zengkhu.

Y theh tngr khix yn zhux laai zefng bir. Mxkoeq, bir jur-zefng jur-of, suax be ciah`tid.

Y cviaa sviuxkhix, ciu ciofng hit’ee zengkhu eng pofthaau khafmphuax, koeq eng huer ka hef sioef zoex huefhw.

Apeq zaiviar, ciu mxkafm, ar khix ka y thoer hiah’ee huefhw, theh khix kawar ee boxngpvy, iaxsvuax ti chiu khaf. Booe juaxkur, hid zaang chiu toe svy zhud zexze kuefcir, lorng tuaxliap, tvy koeq suir. Apeq ciofng hiah’ee kuefcir tvaf khix chixtviuu, be cviaa ze cvii.

Kehpiaq ee laang khvuax`tioeh, ia kynkirn khix chiofng zhwn ee huefhw kheeng khix, ia ti y ee kuefcir-hngg`nih. Y tarn bueq u cviaa ze hoefciah ee kuefcir.

Mxkoeq booe kur, y ee kuefcir-hngg svy zhud cviaa ze thaang. Sofu ee kuefcir-zaang lorng lefn`khix.

Hoefsym ee laang, boelun zoex sviafmih, lorng u hoer ee ketkoer.

Huaxnna mxsi lir ee, ka hef kiongkioong chviur`laai ma booe u sviafmih hoefzhux.

 

原文取自參考三: 林繼雄教授的台灣育德文教基金會網路: http://www.edutech.org.tw/。編者用「簡式現代文」重編。

 

 

 

Te 7 Phvy: Hofkopooe

Lir karm zaiviar Tai’uaan u ciog ze hoefthviaf ee binkafn korsu? Kitiofng u cidee cyn uxmiaa ee gyn'ar korsu kioerzoex Hofkopooe. Zef chinchviu Bykog kab Auciw ee ‘Little Red Riding Hood’.

Kofzar kofzar, u cidee mamaf kab nng-ee zabor kviar tuax ti svuaf terng. Tuaxhaxn ee zabor kviar kioex zoex a’Khiim. Sioefmoe kioex zoex a’Giok. Cit’ee sarnchiaq ee kateeng kuex tioeh cyn khuairlok kab pengzeng ee seng’uah.

U cit-jit, yn ee mamaf khix tochi pan taixcix. Kehjit ciaq e tngr`laai. Mamaf cyn huanloer y ee zabor kviar kati ti zhux`nih. Y kautaix yn nng-laang mxthafng suipen ka laang khuimngg.

Svakvy pvuarmii, a’Khiim kab a’Giok thviaf tioeh u laang teq lorngmngg! "Khok! Khok! Khok!" A'Khiim sefn tuy binzhngg thiaux`khylaai. Hit’ee laang tua sviaf huaq, "Khuimngg! Khuimngg! Guar si lirn ee mamaf!"

Nng-ee cymue’ar zoerhuer korng, "Lir mxsi mamaf. Mamaf booe khoefleeng citzun tngr`laai." Taxnsi, hit’ee laang ittit lorngmngg. "Guar si lirn ee mamaf. Guar sviuxkorng lirn mxkvar kati tuax zhux`nih, sofir guar ciaq kirn tngr`laai."

A’Khiim kab a’Giok sviu, cit’ee laang u khoefleeng si yn ee mamaf, ciu khuimngg khvuarmai`ee. Aq! Hit’ee laang mxsi yn ee mamaf. Yn kvuafkirn kvuaimngg. Taxnsi, ykefng sviw ban laq. Hit’ee lau apooe ykefng kviaa jip mngg laq. Y ee thaumof peh suatsuad, phuehw jiaau porpox. Nng-ee cymue’ar kviaf kaq phiqphiqzhuaq, korng "Lir si sviafmih laang?"

Hit’ee lau apooe korng, "Mxbern kviaf, guar si lirn ee kopooe. Guar ciog kur booe kvix tioeh lirn nng-ee. Kin’afjit bueq laai khvuax lirn."

A’Khiim kab a’Giok thviaf liawau zhuarn cide tuaxkhuix. Taxnsi a’Khiim ar koeq u cidsut’ar huaigii. Ui sviafmih mamaf lorng mxbad korng khir cit’ee kopooe? Mxkoeq, serhaxn ee a’Giok cviaa hvuahir. Y ciu kab kopooe khix khuxn laq. A’Khiim kati khuxn ti lexnggua cit-kefng khurnpaang.

Kuex cidzun liawau, a’Khiim thviaf tioeh "Khaur, Khaur, Khaur," cyn kikuaix ee svia’ym. Y mng kopooe, "Lir teq ciah sviafmih? ho guar ciah cidzhuix, hoer`booe?" Kopooe ciu taxn cit-ky gyn’ar ee zefngthau’ar ho a’Khiim. Y zhuaq cidtiooe, suii zaiviar cit’ee lau apooe mxsi cincviax ee kopooe, si hit’ee langlaang lorng zay cyn khoefphvax ee Hofkopooe. Y ykefng ka sioefmue a’Giok ciah`khix laq. A’Khiim kvuafkirn tirnzeng`loeqlaai. Y liawkair citmar y ciu aix sviu paxnhuad kiux kati. Y sviu zhud cidee hoer paxnhuad.

A’Khiim kefboe’ix ka hofkopooe korng, "Guar citmar aix khix pexnsor!"

Hofkopooe ixn y korng, "Bexsair`tid! Lir sviu bueq thauzaur. Si`booe?"

A’Khiim kirn korng, "Guar booe bueq thauzaur! Lir na booe siongsixn guar, lir extaxng iong chiur giur cit-tiaau tngtngg ee soeh’ar, soeh’ar thaau pak teq guar ee khaterng. Afnny guar ciu bextaxng thauzaur."

Hofkopooe tong’ix afnnef zoex. A’Khiim ciu khix pexnsor. Taxnsi, ciog kur lorng booe tngr`laai. Hofkopooe khaisir huaigii, ciu zaur`khix khvuax a’Khiim teq zoex sviafmih. A’Khiim lawzar tioeh tuy thang’afmngg pee`zhutkhix, koeq kvuafkirn peq khix chiuxar terng biq leq. Hofkopooe cyn sviuxkhix. Y khaisir ka chiuxar.

A’Khiim ciog kyntviw. Y kirn ka Hofkopooe korng, "Lir mxbern ka chiuxar! Guar exsair ho lir ciah. Taxnsi, guar citmar paktor cyn iaw! Lir na ciah guar, guar ciu e pernzoex cidee iausykuir. Suisii lorng tvii tuax ti lir ee sinkhw ho lir cyn kankhor. Lir karm extaxng theh cit tua kuaxn sioesioef ee thotau-iuu ho guar cvix ciawar laai ciah?"

Hofkopooe cyn pun. Y cincviax ciaux a’Khiim ee irsux khix zoex. Cidtiafm’ar kur y’au, a’Khiim korng, "Guar ciaqpar`ar! Lir kirn ka zhuix khuy`khuy ho guar thiaux`jibkhix lir ee zhuirlai."

Hofkopooe cide ka zhuix khuy`khuy, a’Khiim ciu kvuafkirn ka hid tharng sioef-kwnkurn ee thotau-iuu toer`jibkhix Hofkopooe ee zhuirlai.

Hofkopooe ciu afnnef ho a’Khiim eng iuu ka y thngx`sir laq.

Korsu uaan laq. Lir sviu zef si-mxsi cidee cyn zhurbi ee korsu?

 

原文取自參考二: 美國首都華盛頓台灣語文學校網路:

http://tacpa.org/wdcts/。編者用「簡式現代文」重編。

 

 

 

Te 8 Phvy: Sior Anng Phikyn

Ciog kur yzeeng, u cidee serhaxn zabor gyn’ar, y tuax ti simliim pvy ee zngsia.  Boelun sviafmih sizun, y zhutmngg ee sii, y lorng zheng cidee aang seg ee phikyn, sofir zngsia ee muir cidee laang kioex y “Sioer Aang Phikyn”.

Cidee zayar sii, Sioer Aang Phikyn mng yn mamaf, y karm exsair khix khvuax yn amar, in’ui zu yn tefngpexn sioekvix ylaai kvafnar ciog kur loq.

“Hef si cyn hoer aq,” yn mamaf korng.  Yn ciu khuarn cit-lva ee hoer miqkvia ho Sioer Aang Phikyn theh khix ho yn amar.

Tngf lvaa’ar khuarn hoer ee sii, serhaxn zabor gyn’ar zheng hoer y ee aang seg phikyn, jen’au ka yn mamaf cym`cide laai korng zairkexn.

 “Tioeh aix e kix`tid, tidciap khix kaux amar ee zhux,” yn mamaf ka y theqchvir.  “Mxthafng ti lo`nih zhengtii, ma chviar lir mxthafng ham svihun-laang kofng’ue!  Simliim hiaf cviaa huihiarm.”

“Mxbern huanloer, mamaf,” Sioer Aang Phikyn korng, “guar e sioefsym”.

Taxnsi tngf Sioer Aang Phikyn huatkag tioeh simliim`nih ee cidkuar khoefaix ee hueluir, y be kix`tid y tapexng yn mamaf ee ue.  Y barn cidkuar huef, khvuax cide’ar cviaa ze otiap teq puef laai puef khix sirkex huizhoxng, thviaf sirkha’ar teq haur, koeq kef barn kuir luir huef.

Tngf Sioer Aang Phikyn tinbii ti hiofngsiu sioejuah ee haxthvy jit, y suaq booe huatkag tioeh cidee oviar ciaxmciam hioxng y kviaa`laai.

Hutjenkafn, cit-ciaq loong zhut’hen ti y ee pvy`ar.

“Lir ti ciaf teq zhoxng sviafmih, sioer zabor gyn’ar?” loong eng huisioong iwhoer ee svia’ym afnnef mng.

“Guar ti teq khix khvuax amar ee loxtoo tiofng, y tuax ti simliim hid peeng ee khe’ar pvy,” Sioer Aang Phikyn huetab.

Liaw’au, y ciaq zaiviar y sviuu vuax loq, y cyn kirn toe thengcir kab loong kofng’ue, hioxng khix yn amar hid tiaau lo kirn zaur.

Cid sizun loong kviaa cit-zua khaq kirn ee sioer lo.

“Thvy teq poefpix! Jib`laai, jib`laai! Guar huanloer lir ti simliim`nih gu tioeh sviafmih phvair taixcix, huanloer kaq bueq phvuarpvi,” amar korng, y liauxzurn teq loxng mngg`ee si y ee zabor sun’ar.

Loong kati kviaa jibmngg.  Khoefleen ee amar iaur booe sikafn korng te ji kux ue toe ho loong thwn`jibkhix laq.

Loong phaq cidee cviaa buafnciog ee eq, jen’au y thurkhuy amar ee svatuu laai zhue cit-niar y kah’ix ee khurnsvaf.  Y koeq tix cit-terng khurnboe, uixtioeh bueq kefzngf hof khaq seeng`ee, buaq cidsut’ar amar ee phangzuir ti y ciamtngg ee hvi’ar au.

Kuir hunzefng au, Sioer Aang Phikyn teq loxng mngg.  Loong thiaux jibkhix binzhngg`nih, ciofng phue kaq kaux y ee phvi.  “Sviaflaang?” y eng sausviaf ee svia’ym te huaq.

“Zef si guar, Sioer Aang Phikyn.

“Oh, cviaa khoefaix! Chviar jib`laai, chin’aix`ee,” loong sausviaf teq huaq.

Tngf Sioer Aang Phikyn kviaa`jibkhix sioer bog’w, y zhaf cidtiafm’ar toe jin be zhud yn amar.

“Amar! lir ee svia’ym thviaf`khylaai cviaa kikuaix.  U sviafmih taixcix`booe?” y mng.

“Oh, guar kantvaf u kafmmo naxnia,” loong kvay cit-sviaf koeq saux`cide laai kiongtiau y teq phvuarpvi.

“Taxnsi amar!  Lir ee hvi’ar nar e hiah`niq tuax,” Sioer Aang Phikyn kviaa uar khix binzhngg ee sii afnnef korng.

“Chin’aix`ee, bueq thviaf lir ee sviaf hof khaq zhengzhoer`ee,” loong huetab.

“Taxnsi amar!  Lir ee bagciw nar e hiah`niq tua liap,” Sioer Aang Phikyn korng.

“Chin’aix`ee, bueq khvuax lir hof khaq zhengzhoer`ee,” loong huetab.

“Taxnsi amar!  Lir ee zhuirkhir nar e hiah`niq tua,” Sioer Aang Phikyn afnnef korng ee sii, zhuirtuun sioefkhuar teq zuxn.

“Chin’aix`ee, bueq khaq hongpen laai ciah lir,” loong tua sviaf hiarm, y thiaux zhud binzhngg laai jiog cit’ee sior zabor gyn’ar.

Zhaf cidtiarm’ar toe sviuu ban, Sioer Aang Phikyn zaiviar cit’ee ti binzhngg`nih ee laang mxsi yn amar, si cit-ciaq paktor cviaa iaw ee loong.

Y zaur zhud pangkefng mngg, cixn y ee lat tua sviaf hiarm, “kiurmia! kiurmia! loong! loong!”.

Cidee ti hurkin teq phuarzhaa ee laang thviaf tioeh sior zabor gyn’ar ee khaursviaf, eng y thofng kirn ee sokto zaur hioxng bog’w.

Phuarzhaa-laang liah tioeh loong, kioex loong thox zhud khoefleen ee amar, y kviaf kaq bueq sirkhix mxkoeq kuy sinkhw hoefhoer.

“Oh amar, guar ciog kviaf`ee!” Sioer Aang Phikyn khaux teq korng, “guar be koeq ham svihun-laang kofng’ue, ia be koeq ti simliim`nih zhengtii.”

“Kuay gyn’ar. afnnef toe hoer laq!, lir oeh cidee tioxng’iaux ee kaurhuxn.  Kafmsia sioxngthefn, lir hiarm liaur u kaux tua sviaf ho cit’ee phuarzhaa-laang thviaf tioeh lir!”

Phuarzhaa-laang tua phaq hid ciaq loong, peng ciofng loong kvuar khix simliim`nih kaix hng ee sofzai ho y bextaxng koeq laai jiawluan laang.

Sioer Aang Phikyn kab yn amar zoehuer ciah tiongtaux koeq korng ciog ze ue.

 

原文取自: http://www.dltk-kids.com/rhymes/littlered/1.htm

原文是英文。編者用「簡式現代文」翻譯

 

 

 

Te 9 Phvy: Pvuarpeeng-Svuaf

 Lir na ze huefchiaf iuu pag hioxng laam bueq jibkhix Koehioong-chi ee sii, lir extaxng khvuax tioeh cit-zoe svuaf kioerzoex Pvuarpeeng-svuaf.  Cid zoe svuaf khvuax`khylaai toe chinchviu y ee miaa sor armsi`ee, cit-peeng naxnia.  Y ee hengzong chinchviu cit-zoe penghuaan ee svuaf, mxkoeq y kvafnar ho laang iong kiaxm kharm khuy zoex nng-peeng, ar cit-peeng ho laang oftiau.  Lir karm e hoerkii bueq zaiviar hid cit-peeng svuaf si afnzvuar booe`khix leq!  Mxbern huanloer, chviar thak exbin cit’ee binkafn korsu toe zaiviar.

Kofzar, Pvuarpeeng-svuaf iaur be hwn zoex nng-peeng ee sii, svuaf khaf u cidee sioer zngsia.  U cit-jit, cidee lau laang laai kaux cit’ee zngsia be muacii.  Y u peh thaumngg kab peh zhuirchiw; ar y ee svakhox ku koeq phuax.  Y tvaf cit tua tvax khvuax`khylaai kab phvi`khylaai cviaa hoefciah ee sioef muacii.  Mxkoeq, cit’ee zngsia ee muir cidee laang lorng teq sviu, cit’ee lau laang cviaa gong, in’ui y hiarm,”sioef koeq hoefciah ee sioef muacii, cit-liap zap-cvii, nng-liap jixzap-cvii, ar svaf-liap mxbern cvii.”

“Sviafmih taxicix leq?”  zngf`nih ee laang tioeqkviaf teq mng.

“Sioef koeq hoefciah ee muacii, aang-tau’ar`ee ham ci’muaa`ee.  Cidee zap-cvii, nng-ee jixzap-cvii, ar svaf-ee mxbern cvii.”  Hit’ee khykhofng ee lau laang koeq teq hiarm.

 Zngnihlaang ciaxmciam zuxcip`khylaai uii ti hit’ee lau laang.  Yn lorng eng ciog sersviaf teq mng, “Karm uxviar afnnef, svaf-liap muacii mxbern cvii?  Si-mxsi cit’ee lau laang teq phexn`larn?”

“Sviaflaang bueq kuarn zef si cyn`ee iafsi ker`ee!  Guar bueq sefn laai ciah svaf-liap muacii, ciaq laai khvuax zef si-mxsi mxbern cvii.”  Oong Tuaxthaau teq korng.

Mmmm, ciah’ee muacii u kaux hoefciah!”  Oong Tuaxthaau cidbin ciah cidbin afnnef korng.  Cit’ee lau laang ee muacii kvafnar chinchviu hancii hiah`niq tua liap.  Oong Tuaxthaau ciah liaur te ji liap muacii, y toe par kaq ciah be jibkhix.  Mxkoeq y mng hit’ee lau laang, “guar na ciah svaf-liap muacii, guar toe mxbern hurcvii tioeh`booe?

“Guar mxbad korng peqzhat.  Guar ykefng korng kuex, svaf-liap mxbern cvii.” lau laang huetab.

Oong Tuaxthaau uixtioeh bueq ciah mxbern cvii ee muacii, y befngkiorng koeq gvexthwn cit-liap muacii.  Lau laang ma siur sirn’iong booe ka y siucvii.

Kithvaf ee zngnihlaang khaisir ber lau laang ee muacii.  Muir cidee lorng ber svaf-liap muacii; booe laang ber cit-liap iafsi nng-liap.  Cidtw’ar kur, kuy tvax muacii ho zngnihlaang ciah liawliaur.  “Lirn tagkef ee zhuirtaur cviaa hoer,” lau laang chioerchioer’ar korng.  Ber booe tioeh muacii ee zngnihlaang cviaa sitbong teq khvuax lau laang lixkhuy.

Cidee ciah svaf-liap muacii ee zngnihlaang hutjenkafn tuax sviaf hiarm, “Khuax`leq! Zngf au hid zoe svaf ee cit poxhun nar e booe`khix leq?”

“Maix korng boeviar ee taixcix!  Ciu guar sor khuvax tioeh`ee!  Guar sviu lir muacii ciah sviw ze, ciah kaq thaukhag suaq goong`khix laq,” u laang teq huetab.

Zngnihlaang khaisir teq gixlun cit’ee lau laang.  “Hah!  guar bextaxng siongsixn uxlaang ciah`niq pun bueq be svaf-liap muacii mxbern cvii.”

“Y ee muacii ciah`niq hoefciah; guar sviu bueq zaiviar muacii si eng sviafmih zoex`ee.  Guar sviu bueq zaiviar cit’ee lau laang tuy toefui laai?  Guar kithai y extaxng tagjit laai.”

Kehtngfjit, hit’ee khykhofng ee lau laang koeq laai kaux cit’ee zngsia.  Y hiarm, “Sioef koeq hoefciah ee muacii!  Thotau`ee ham cimuaa`ee.  Cit-liap zap-cvii, nng-liap jixzap-cvii, ar svaf-liap mxbern cvii.”  Tag’ee khaisir uah`khix uii hit’ee lau laang.  Yn ciah muacii ciah teq cyn kirn, len po toe booe ciu thwn`loeqkhix.  Cidtw’ar kur, muacii toe koeq ho laang ciah liaur`ar.

Ti te svaf jit, kaxngkhuarn ee taixicix huatsefng; zngnihlaang cixnliong teq ciah yn ciah e jibkhix ee muacii.  Hutjenkafn, u laang thviaf tioeh cidee svia’ym, “Sensvy, chviar lir ho guar cit-liap muacii hoer`booe?”  Tag’ee lorng zhuaq cide.  Yn uadthaau kuerkhix khvuax, bagciw teq giin hit’ee sengkhern teq mng lau laang ee siaurleen laang.

“Siaurleen`ee, lir karm u thviaf zhengzhoer guar sor korng`ee?  Cit-liap zap-cvii, nng-liap jixzap-cvii, ar svaf-liap mxbern cvii.  Lir extaxng ber svaf-liap mxbern cvii, ui sviafmih lir kantvaf bueq ber cit-liap leq?”

 “Guar zay,” siaurleen`ee huetab, “Mxkoeq guar khvuax lir tagjit tvaf cid tua tvax muacii, ar be booe cvii.  Guar kafmkag cviaa kankhor.  Guar cincviax sviu bueq pangbaang lir.  Taxnsi, guar kantvaf u kaux cvii thafng ber cit-liap muacii.”  Muir cidee hiah’ee thamsym ee zngnihlaang thviaf liaur siaurleen`ee ee ue y’au kafmkag cviaa kernsiaux.

“Ha Hah! Guar zuerau zhue tioeh lir laq.  Lir si hid khvuarn sekhap laai zoex guar ee hagsefng ee jinbut.  Guar si zngf au hid zoe svuaf ee svuasiin…...”

Citmar muir cidee laang zaiviar hit’ee lau laang sidcid siong si svasiin.  Uixtioeh bueq thex y kati zhue cidee e sirnjim`tid koeq u jinzuu sym ee hagsefng, svuasiin kati kefzngf zoex cidee goxnggong ee lau laang laai chirthaxm laang sym.  Y ee muacii mxsi cincviax muacii; y ee muacii si eng tuy svuaf`nih or`zhutlaai ee thoo sor zoex`ee.

Zngnihlaang thviaf liaur svuasiin ee suatbeeng , yn ciu zaur khix khvuax ciah booe liaur ee muacii.  Mxkoeq yn kantvaf extaxng khvuax tioeh cit-khvaf logko’armuee; tngf yn uadthaau khix khuax hid zoe svuaf, yn khvuax tioeh hid zoe svuaf ee cidpvuax booe khix laq.

Svuasiin zhua hit’ee siaurleen laang tngr khix y ee sofzai, ar zwnpi bueq kax cit’ee u jinzuu sym ee laang y sofu ee mosut.

Ar hiah’ee zngnihlaang leq, yn sviu tioeh ciah hiah’ee thoo toe kafmkag bueq thox; yn kibang yn extaxng thox zhut yn ciah`jibkhix hiah’ee sofu ee thoo.  Yn huafnhuer yn ee heng’uii kab zekpi yn kati ee thamsym.

 

原文取自: http://www.taiwandc.org/folk-ban.htm。原文是英文。編者用「簡式現代文」翻譯

 

 

 

Te 10 Phvy: Guarn ee Serhaxn Sii

Serhaxn sizun ee taixcix, guarn efng’uarn e kix`tid.

Guarn serhaxn ee sii, zhux`nih booe zheq, booe zhehtoeh’ar ho guarn siafji; sofir guarn ti ytiaau terng zoex zokgiap, thagzheq.  Ytiaau toe si guarn ee zhehtoeh’ar aq.

Serhaxn sii, zhux`nih booe cvii thafng khafn texnhuer.  Armthaau’ar, guarn aniaa toe theh cvii, kioex guarn khix Zhengphoef ee tiarm’ar ber huan’ar-iuu.  Iaxseg laai ee sii, guarn taw ee thviaf tiarm cit-phaf huan’ar-huer, hofng thaux huan’ar-huer iooe laai iooe khix.  Guarn taw ee armsii, tagkef ciaqpar booe taixcix; guarn zham sioefti, ti thviaf`nih ser vuafti.  Guarn u thviaf tioeh aniaa ti hiaf korng hngg ee taixcix, zhek’ar ykefng u-huef, lenpvi’ar e thorsui…..koeq laai zap-jit lek, zap-jit sek…..guarn a’tiaf ti hiaf ciaq hwn, cit-ky ciah liaur koeq cit-ky.

Armsii ee tenghuer siafmsiq.  Guarn kw tiaxm binzhngg terng siafji.  Guarn lauxpe tuy thngg-chviur khioeq cidkuar pang’ar tngr`laai, y texng cidee sviu’ar, cit’ee sviu’ar khngx ti binzhngg terng, ciu afnnef pvircviaa guar ee zhehtoeh’ar; guarn tiaxm sviu’ar tefngbin zoex lauxsw phaix ee kongkhoex.  Guarn sisioong zoex kaq svakvy pvuarmii; iukii si tangthvy, thvikhix ciog lerng`ee; guarn kw tiaxm binzhngg, kw kaq khaf lorng baa`khix.  Mxzay kengkuex jua kur, guarn lauxboer khuxn zengsiin, kioex guarn khaq kirn khix khuxn.  Guarn ka tenghuer puun hof huaf, thaau thaxm tuix thang’ar gua, u khvuax tioeh thviterng chvy cit-liap cit-liap, hutjenkafn cit-liap liuchvy siafmsiq, laau tuix hid peeng khix.

Guarn ee zhux si buahthoo ee tek’ar zhux.  In’ui tngnii tiarm huan’ar-huer, thopiaq hwn kaq of khix.  U tangsii, hongthay-thvy, hofng tuix thang’ar thaux`jiblaai; thang’ar sirsix-svuaihsvuaiq.  U tangsii, loeqho thvy, ho loeh ti guarn ee gimkvii; hoxsviaf lengleeng-longloong, cviaa hoer thviaf.  Ho loeh ti zhux au ee lva’ar-huef, nngfjiok ee hueky.  Loeqho-thvy, siong kaix hoer zengbi; guarn larm miphue ker khuxn, zhuix`nih giin Uii Erngbut ee sy: “Sersu bangbaang laan zuxliau, zhunchiuu armaxm zu hoefbiin” (世事茫茫難自料,春愁暗暗自好眠), giin Lir Gixsafn ee “hooe tofng kioxngkiarm say thafng zeg, khiok hua pasafn iaxur sii” (何當共剪西窗燭,卻話巴山夜語時), y ee “samzhwn bang ur sioong phiau ua, ciongjit lenghofng put buafnkii” (三春夢雨常飄瓦,終日靈風不滿旗), giin So Banzw ee “zhun’ur lauthaau chioeq patsiaw, hoesii kuikhvuax zekkafng-tiaau….” (春雨樓頭尺八簫,何時歸看浙江潮…..), giin Liok Horng’ofng ee “zhwsefng hegsi sijiin bue? serur khiaa lii jip kiarmmngg”(此生或是詩人未?細雨騎驢入劍門)….. guarn aix ur tiofng ee khirhwn, u sioefkhuar aichiuu; guarn ee bin ux tiaxm miphue, miphue liangliaang, guarn chiur kab bin ma liangliaang.  Guarn ee serhaxn sii, ciog zar toe zaiviar jinsefng, cid khuarn liangliaang ee zubi.

 

原文取自: 郡王牽著我的手,台笠出版社,1993年。原文是漢字福台語,著者是黃勁連。編者用「簡式現代文」翻譯

 

 

     
 

 

本頁首次上網: 2006 年 4 月 30 日 /  網頁更新: 2006 年 9 月 30 日

     
Copyright © 2006. All Rights Reserved.  Simplified Modern Literal Taiwanese.  SMLT.org